Nobeta Edaletî ya Keyeyê Şenyaşarî roja 530. de verê Edlîyeya Riha de dewam kena. Wekîlanê HDPyî Surhan Oluç, Mehmet Ruştu Tîryakî, Omer Ocalan, Mayanê Haştîye nobeta edaletî zîyaret kerde. Emîne Şenyaşar û Ferît Şenyaşarî derheqê têkoşînê xo de heyet agahdar kerd.

Oluç û Tîryakîyî zîyaret de qisey kerd û ard ziwan ke Wezîrîya Edaletî û AKPyî nêverda ke edalet bêro caardene. Wekîlan îfade kerd ke îqtîdar nîşaneya bêedaletîya Tirkîya ya. Heyetê HDPyî dîyar kerd ke edalet qetî do bêro caardene û kiştoxî cezaya xo bigêrê. Wekîlan da zanayene ke ê sey HDPyî têkoşînê keyeyî nêzdî ra teqîb kenê.

Heyetî hetê keyeyî de nobete girewte dima verê edlîye ra agêra.