Hemsereka Pêroyî ya DBPyî Salîha Aydenîz û tay wekîlanê HDPyî Gulîstane Kiliç Koçyîgît, Nurane Îmîr û Erdal Aydemîrî seba pêvînayîşê bi Rayberê Şarê Kurdî Abdullah Ocalanî muracatê Wezîrîya Edaletî kerd. Waştişnameyê muracatî de ame waştene ke wa ê Abdullah Ocalanî zîyaret bikerê le 20 mengî yo tira xebere nêna girewtene.

Hemserekanê Pêroyîyan ê HDPyî Pervîne Buldan û  Mîthat Sancarî, Vervatoxa HDPyî Ebruye Gunay, Wekîlê HDPyî yê Riha Omer Ocalanî zî 20ê teşrîna verêne de seba pêvînayîşê bi Abdullah Ocalanî muracatê Wezîrîya Edaletî kerdbi. Wezîrîye qetî cewab nêda nê waştişî.