Wekîlê HDPyî yo verên ê Colemêrgî Abdullah Zeydano ke 4ê kanûna 2016î de operasyonê vera HDPyî de ame tepiştene ame tehlîyekerdene.

Bado ke cezaya Zeydanî hetê Mehkemeya Berzî ra ameye xeripnayene Mehkemeya Cezaya Girane ya 5.  ya Amedî de roniştişê dewaya ci ame kerdene. Zeydan Zîndanê Tîpê Fyî yê Kandira ra tewrê roniştişî bi. Avûkatî Mehmet Emîn Aktar  û Mahsunî Karaman zî mehkeme de amade bî. Zeydan û avûkatan qerarê Mehkemeya Berze vîstî vîrî û beraat waşt. Mehkeme qerarê xo yê verênî de israr kerd û cezaya 3 serran û 1 menge û 15 rojan a ke rîye 'propagandaya rêxitine' ra û cezaya 5 serran a ke 'paştdayîşê rêxistine' ra dayîbî newe ra daye û wexto ke Zeydan zîndan de mendo girewt çiman ver û qerarê tehlîye da.

Badê qerarê Zeydan peyser ame berdenê Zîndanê Xarpêtî ke semedê mehkeme ardîyabi uca. Zeydano ke 2016î ra nata zîndan de yo Zîndanê Xarpêtî ra vejîya. Wekîlê HDPyî Remzîye Tosun û Alîcan Onlu şîyî vera Zeydanî.