Vera Wekîlê verênî yê HDPyî yê Agirî Halîl Aksoy 2009 de bi îdîaya 'propagandaya rêxistine' dewa amebî akerdene. Heman serre Aksoy dewa de çarçewa 'azadîya îfadeyan' de vera dîyabi.

Dima ke Serdozger Celal Karayo ke bi endamîya FETOyî ameyêne sûcdarkerdene bire rê îtîraz kerdbi dosyaya Aksoyî newe ra erşawîyaye mehkemeya herêmîye. Roniştişê dewa Mehkemeya Cezaya Girane ya Îstanbulî de ame kerdene. Aksoy û avûkata ci tewrê roniştişî bîyî û înan pêro sûcdarîyî red kerdî.

Mehkeme îdîa kerd ke 2009 de Aksoyî qiseykerdişê xo de propagandaya rêxistine kerdo û cezaya zîndanî ya serrêke daye ci. Mehkeme bire ser o bira taloqî zî nêdaye.