Welatperwero kurd Aydin Gunayî (Metîn) 3ê teşrîna peyêne de Paris de dinyaya xo bedilnaye. Semedê Gunayî Paris de merasîmêk ame kerdene û dima ra cenaza şawîyaye Kurdîstan û tîya ameye definkerdene.

Hemserekê KONGRA-GELî Remzî Kartal, xeylêk temsîlkarê dezgehanê kurdan û bi seyan kesî tewrê merasîmî bîyî. Merasîm de bi nameyê dezgehan û keyeyê Gunayî qiseykerdişî ameyî kerdene û bale ameye antene kesayetê ey yo têkoşerî ser.

Remzî Kartalî keyeyê Gunayî rê serweşîye waşte û vat: ''Embaz Metîn 27 serrî mîyanê têkoşînê azadîye de xover da. Ma do xebatanê ey bidê domnayene. Ma do waştişê şehîdan bîyarê ca.''

Lajê Gunayî Malum Gunayî vat: ''Na sixletîye ra yeno vînayene ke babîye mi senî yeno heskerdene. Ez pê  sereberz a ke o babîyê min o. Seba ke ez birayê Azadî ya û birarzayê apê xo ya ez sereberz a.

Badê qiseykerdişan kurdîstanijan cenazaya na doşî ser û sloganê ''Şehîdê nêmirenî'' eştî. Cenazaya ke roja şemeyî Parisî ra şawiyaye Kurdîstan vizêr Wan de ameye definkerdene.

Hetê bînî ra Dîwanê Hemserekîye yê KCDK-E zî bi eşkerayîyêke Aydin Gunay yad kerd. Eşkerayîye de ame vîrvistene ke Gunayo ke lajê ci yo tewr pîl Mazlûm û birayê ci têkoşînê azadîye yê Kurdîstanî de şehîd bîyî, emrê xo da nê têkoşînî û ame vatene ke o do tim mîyanê têkoşîn û zerrîya kurdan de biciwîyo.