Wendekaranê ke Melîh Buluyo AKPyîjo ke Unîversîteya Bogazîçî rê sey rektorî ame tayînkerdene protetso kerd nêmroje ra heta saetanê şanî vera barîkîtê polîsan xover da.

Wendekarê ke semedê paştdayîşê unîversîteyanê cîyayan ra ameyî têhet badê forumo ke kerd waşt ke bikewê kampusê başûrî. Polîsan destûrê înan nêda û arbede vejîya. Bado ke di kesî bi derbkerdişî ameyî destbendkerdene arbedeyê mabênê  wendekaran û polîsan bi saetan kerd kerd. Polîsan pê mermîyanê plastîkan û TOMAyan hêrişê çalakwanan kerd.  Wendekaran zî bi şîşeyan cewabê înan da. Têmîyankewtiş bado ke destûr dîya wendekarê ke binê ablûqa de vejî teber qedîya. Wendekaranê ke eşkerayîye daye vat ma do destûrê rektorê qeyûmî medê. Wendekarî siba dersan do boykot bikerî û roja çarşeme çalakîya xo rê dewam bikerê.