21 wendekarê ke protestoyanê Bogaziçi de ameybî destbenkerdene bi şertê kontrolê edlîyî ameyî veradayene. Wendekarê ke bi slogan û çapikan ameyî verwazîkerdene ke vat ê do mucadeleyî rê dewam bikerê.

Wendekaranê ke yew bi yew qisey kerd ard ziwan ke ê raştê cigêrayîşê rutî ameyî û vat: ''Heta vizêrî vatêne cigêrayîşo rut çîno la ma rê cigêrayîşo rut ame kerdene û ma ameyî tehdîtkerdene. Wendekaran vat: Ma rîyo roşn û şorişgêr ê nê komelî. Êyê ke bi destbendkerdişan ma bitersnê wa bizanê ke şorişgêrî çirey verê zextî de milê çewt nêkenê. Seba ke ma unîversîte pawit ma ameyî destbendkerdene. Zextî nêeşkenê verê ma bîgirê. Ma rektorê qeyûmî nêwazenê.‘‘