Çarçewaya Hemleya Azadîye de paytextê Norveçî Oslo, bajarê Frankfurtî yê Almanya û paytexrê Swîsre Bern de bi aktîvîteyanê cîya cîyayan azadîya fîzîkîye ya Rayberê Şarê Kurdî Abdullah Ocalanî ameye waştene.

Meydanê Îstasyonê Sentralî yê Oslo de hetê komeleya kurdan ra stand ame akerdene. Çalakîye de  vilawekî ameyî vilakerdene û derheqê tecrîdê Îmraliyî û muhîmîya rolê Abdullah Ocalanî semedê haştîya Rojhelatê Mîyanênî de zanayîş ame dayene.

Frankfurt de zî bi wesîleya nêzdîbîyayîşê komployê mîyanneteweyî hetê Meclîsê Şarî û Meclîsê Cinîyan ra stand ame akerdene. Çalakîye de ame vatene ke wayîrvejîyayîşê Abdullah Ocalanî wezîfeyê her kesî yo û semedê xurtkerdişê têkoşînî ame vengdayene.

Bern de zî çarçewaya kampanyaya “Tîrêjên Roje” ya Têgêrayîşê Cinîyan ê Kurdan ê Ewropa (TJK-E) de kurdîstanijî û dostê înan ke Bahnhofplatz de ameyî têhet, çalakîya roniştişî kerde.  Çalakîya ke serkêşîya Meclîsê Cinîyan ê Berjîne Zenda de ameye kerdene têgêrayîşê ciwanan ê kurdan û aktîvîstanê şorişgêran ê Swîsre û şarî zî bi tewrbîyayîşî paştî daye ci. Çalakîye de ame vengdayene ke wa  semedê azadîya Abdullah Ocalanî têkoşîn bêro xurtkerdene.