Hemserekê DEM Partî Tulaye Hatîmogullari û Tuncer Bakirhan û Hemserekê DBPyî Çîgdeme Kiliçgun Uçar û Keskîn Bayindir tewrê çalakîyanê Colemêrgî bîyî. 

Hemserekan şarî reyde rayraşîyayîş kerd. Rayraşîyayîş de sloganê sey ''Bijî berxwedana Colemêrgê”, “Kurdistan dê ji faşîzmê re bibe goristan” û “Em ê bi berxwedanê bi ser kevin” ameyî vatene. 

Çîgdeme Kiliçgun Uçar rayraşîyayîşî ra dima vat: ''Vera kurdan ancî dafike yena ronayene. Reya hîrêyîne qeyûm tayînê Colemêrgî beno. Qeyûman şaredarîye binê deynan de verdaye.''

Bakirhanî vat: ''Tîya de darbeyêke yena kerdene. Îradeyê şarê Colemêrgî rê hûrmet nêno kerdene. La kurdî do nê çî xo vîr a nêkerê. Ma do weçînayîşan de cewabê xo ancî bidê.''

Keskîn Bayindirî vat: ''Ma do xo ver bidê û bi serkêşîya cinî û ciwanan ney bikerê. Şarê ma her ca de ganî wayîrê îradeyê xo vejîyo. Ganî şarê ma wurzo payan ser û xo ver bido. Ganî îradeyê şarî her cayî ra vila bibo.''

Eşkerayîye bi sloganan qedîyaye.