Amed de bi hezaran kesî rixmê qedexeyan zî çalakîya ''Abdullah Ocalanî rê Azadîye, Meseleya Kurdan rê Çareserîye'' de ameyî yewca û Mîtîngê Azadîye kerd.

Mîtîngî ra pey Mayanê Haştîye Kuçeyê Gevranî de bi slogananê sey "Bijî berxwedana Îmrali" û "Bê Serok jiyan nabe" rayraşîyayîş kerd. Rayraşîyayîş bi tîlîlî, çepik û sloganan qedîya.

Girseyêk zî ver bi Kasaplarî rayîr a şîyî û sloganê sey "Bijî serok Apo", "Bê Serok jiyan nabe", "Bimre ixanet, bijî Kurdistan" û  "Gençlik Apo'nun fedaisidir"  vatî. Tîya de polîsan hêrişê girseyî kerd û ciwanêkî rê îşkence kerd.

Şarî vera hêrişî nêrazîbîyayîşê xo mojna. Polîsan tîya de waşt ke di kesan destbend bikerê. Kesêk ame destbendkerdene. Polîsan hêrişê Maya Nobeta Edaletî Aklîme Hanas û muxabîra MA Ceylane Şahînlî kerd.

Polîsan hêrişê girseyo ke tede Wekîlê DEM Partî Çîçeke Otlu û Zulkuf Uçar, Serekê Baroyê Amedî Nahît Eren, endamê OHDyî zî est bîyê, kerd. Polîsan bi gazê îsotî hêriş kerd. Hêrişê polîsanê tirkan de baska Endama OHDyî Ozume Vurgun şikîyaye û avûkatê bînî zî birîndar bîyî.

Wekîla Dem Partî Çîçeke Otlu vera hêrişî nêrazîbîyayîşê xo mojna û vat k ê do vera tecrîdî têkoşînê xo rê dewam bikerê.