Vizêr Amed de dwaya kişîyayîşê Kemal Kurkutî de derheqê polîsê kiştoxî Y.Ş.yî de bira veradayîşî dîyaye.

Avûkata keyeyê KemalKurkutî Reyhane Yalçindag vera bire nêrazîbîyayîşê xo mojna û derheqê bire de wina qisey kerd: ''Kiştoxê Kurkutî wijdanê komelî de ameyî cezakerdene. Labelê mehkeme bira xelete daye. Polîtîkaya bêcezaveradayîşî ya seba polîs û leşkeran qasê serra Komara Tirkîya derg a. Na bire zî dewamê na polîtîka ya. ''

Yalçindage ard ziwan ke kişîyayîşê Kurkutî maneno kişîyayîşanê 1990an ke Mehkemeya Heqanê Merdiman a Ewropa nê kişîyayîşan ra Tirkîya kerde mehkum. Yalçindage vat: ''Eke derheqê nê serebûtî de dîmenê kamera û fotografî çin bîyêne beno ke dewa zî nêameyêne akerdene. Mehkeme bi na bire xelatêke daye kiştoxan. Heta ke ma sey pawitoxanê heqanê merdiman nêvajê 'qedîyaye' na dewa do nêqedîya.  Ê eşkenê edalet erey bivisnê, îmza bierzê binê metnan ê îlegalan, kiştoxan bipawê.Xora na cografya de 40 serran ra nata ê heman çi kenê. Heta ke kiştoxî bêrê cezakerdene têkoşînê ma do dewam bikero.''