Hemsereka verên a HDPyî Fîgene Yuksekdaga ke zîndanê Tirkîya de sey rehîne tepişîyena, roniştişê dewaya ci Mehkemeya Cezaya Girane ya 10. ya Anqara ame kerdene. Yuksekdage Zîndanê Kandira ra bi sîstemê SEGBİSî tewrê ci bîye. Parlementerê HDPyî Meral Daniş Beştaş, Zuleyha Gulum, Murat Çepnî û Remzîye Tosun zî roniştiş teqîp kerd.

Yuksekdage vat: ''Serekkomarî vizêr dîrek mudaxaleyê dosyaya ma kerd. Îqtîdarê AKPyî HDPyî têna sey raqîpî nê sey dişmenî vîneno. Huqûq yeno bipaykerdene. Qerarê derheqê ma hetê îqtîdarî ra yenê dayene. La ma senî ke awbend û dêsê şima rijnayî û ma do reyna birijnê. Ma nika mabênê cenet û cehenemî, araf de yê. Eke têkoşîn bibo pîl ma cehenemî ra xelisyenê.''

Heyetê mehkeme qerarê dewam tepiştişê Yuksekdage da û roniştişo bîn 24ê sibata 2021î rê peyde eşte.