Esenyurtê Îstanbulî de 12ê hezîrane de Qesrê Mareyî yê Şaredarî de veyve ame kerdene. Badê veyveyî zama û new kesî semedê îfadeyî ameyî vengdayene û dima ra ameyî tepiştene.

Zama Mesut Karçik û merdimê ci yê ke vizêr şîyî Qereqolê Polîsan ê Kiraçî yê Esenyurtî de îfade da, seba ke şala bi renganê çeqer, sûre, hewz kerde pa ameyî destbendkerdene.  Reyna deyîrê ke veyve de ameyî vatene zî sey sûcî ameyî hesibnayene.  Polîsan îdîa kerd ke veyve de slogana ''Biciwîyo Rayber Apo'' ameya eştene. Zama Karçik û merdimanê ci sûcdarîyê red kerdî. Dima ra des kesî sewqê Edlîyeya Buyukcekmece bîyî û tîya ra zî bi waştişê tepiştişî sewqê Dadgerîya Cezaya Sulhî bîyî. Dadgerîye de zama Cahit Karçik, Şefik Karçik, Tahsin Karçik, Mesut Karçik, Savaş Karçik, Aydin Kaplan, İbrahim Kaplan, Umut Kaplan, İbrahim Baran û Burhan Topçu  bi îdîaya ''propagandaya rêxistine'' ameyî tepiştene.

Hetê bînî ra dîya zanayene ke muzîsyenê ke tewrê veyveyî bîyî derheqê înan de zî cipersayîş dîyayo destpêkerdene. Yeno pawitene ke semedê îfadeyê venga înan zî bidîyo.