Şaristanê Zurihî yê Swîsre de bi beşdarîya Vervatoxa Têkilîyanê Teberî ya KNKyî Nîlufere Koç panelê bi sernameyê 'Peymana Lozanî ya 100 serre û Kurdî' ame kerdene.

Panel Zanîngehê Zurihî de serkêşîya CDK-S û YJK-Syî de ame kerdene. Wendekarê zanîngehî û aktîvîstê Komîteya Zurihî ya Rojawanî beşdarê panelî bîyî. Sekretera Pêroyî ya partîya BASTA Fransizka Stier moderatotîya panelî kerde.

Hêverî Vervatoxa Komîsyonê Têkilîyanê Teberî yê KNKyî Nilufere Koç derheqê prosesê tarîxî yê îmzakerdişê Peymana Lozanî de qisey kerd. Koçe îfade kerd ke Peymana Lozanî sembola parçekerdişê Kurdîstanî û afernayîşê meseleya kurdan a. Koçe vat: ''Na peymane hetê dewletanê emperyalîstan ra zanîyayêne ke seba kurdan do biba mesele. Peymana Lozanî ra dima Kurdîstan mîyanê tirk, ereb û farsan de ame parçekerdene.''

Peynîya panelî de cewabê persanê beşdaran ameyî dayene.