Fermandarîya Qerargehê Merkezî ya YJA-Starî bi wesîleya serrgêra ronîyayîşê PKKyî eşkerayîyêke daye. Eşkerayîye wina ya:

''Ma serrgêra ronîyayîşê partîya xo PKKyî fîraz kenê. Partîya ma PKK nê 46 serran de bi hawayêkê bêteredûtî perwerê erkanê xo bi. PKK 46 serrî yo seba rûmet û şerefê Kurdîstanî û şarê kurdî têkoşîn keno. PKKyî nê 46 serran de şehîdê fedayîyî dayî. Sarayan ra heta Berwar û Bêrîtane Nuhaqan, Leyla Sorxwînan ra heta Medya Egîd, Axîne Gabar û Hêjare Zozanan bi hezaran cinîyan ê kurdan bingeyê felsefeya azadîya cinîyan a Rayber Apoyî de mîyanê PKKyî de destanî nuştî.

PKK destpêkî ra nata bi artêş û partîya şehîdan. Coka serkewtişê PKKyî qetî yo. Têkoşînê azadîya cinîyan zî bi tewrbîyayîşê embaza ma Sara (Sakîne Cansiz) dest pêkerd û heta zerrîya Asya Alî xo resna.

Bi pratîk û felsefeya Rayber Apoyî Şorişê Cinîyan serra 21ine de bi hawayêkê pîlî aver şi. Netîceya keda Rayber Apoyî de felsefeya 'Jin, Jiyan, Azadî' pêro dinya ra vila bîye. Sarayan ra heta Asya Alîyan PKK sey topêkê adirî yê hêvîye kewto werteyê faşîzmê serdestîya camêrdan. PKK nê prosesê krîtîkî de zî şer keno û mesuldarîyanê xo verê şarê xo de ano ca. Coka PKK tim şarê kurdî de bi yew ruh û yew bedenî.

Rixmo ke xeylê dezgeh, dewlete, partî û rêxistinî rijîyayê PKK şarê kurdî reyde bi xurtêr. PKK teyna bi şarê xo bawer keno. Coka sloganê 'PKK şar o, şar tîya de yo' slogano tewr zaf yeno vatene yo. Coka ronîyayîşê PKKyî roşanêko neteweyî û Newroza diyîne yo. Coşê Newroze yê şarê ma, bi ronîyayîşê partîya ma de yew bîyo, bîyo fîrazkerdişêko tarîxî û bêmabên.

PKK ho dekeweno serra ronîyayîşî ya 47ine. Ma Rayber Apoyî bi coşê Newroza diyîne û bi heskerdiş û perwerî selam kenê. Vera hêrişanê dişmenî têkoşînê ma do bêmabên dewam bikero. Sey hêzanê YJA-Starî ma bi îrade, bawerî û tempoyêkê berzî do têkoşîn bikerê, mesuldarîyanê xo bîyarê ca. Bi na qerardarî û bawerî ma sey artêşa YJA-Starî anê ziwan ke serra 47ine ya PKKyî do biba serra azadîye û serfîrazîye.''