Zîndanê Şirnexî de vizêr serê sibayî gardîyanan eşt 2 koxûşan ser û bi bahaneya 'marşê îstîklalî' nêwendo da tepişteyan ro.

Tepişteyê bi nameyê Hamza Sonmezî keyeyê xo rê pê telefonî qala sereştişî kerd û vat: ''Gardîyanan eşt di koxûşan ser, ma rê vat 'wurzê payan ser, marşê Îstîklalî biwanê.' Semedo ke ma no qebul nêkerd înan da ma ro. Xeylêk embazê ma birîndar bîyî. Ma nika hucre de yê. Ma raporê derbkerdişî zî girewt. Embazê ma ke birîndar bîyî siba do amelîyat bibê.''

Sozmezî venga rayaumûmîye da ke nê warî de hesas biba û waşt ke cade heyetêkê ÎHDyî zîndan de cigêrayîş bikero.