Zîndanê Sîlîvrî de 8ê teşrîna verêne de gardîyanan eştbî koxûşan ser û 150 tepişteyî koxûşanê cîya-cîyayan de ca kerdbî. Tepişteyê zîndanî Mahmut Olgunî pê telefonî keyeyê xo de qisey kerd û înan rê qala binpaykerdişanê heqan kerde.

Olgunî da zanayene ke semedo ke înan govende girewte û ey kitabê kurdkî nuşt cezaya hucreyî ya 5 rojan dîyaye înan. Olgunî eşkera kerd ke gardîyanan înan rê gef wendo û dest nayo kitaban û mektubanê înan ser. Olgunî vat: ''Wexto ek çew şino nêweşxane û yeno mengêke yewê bînî de qisey nêkeno. Pê bahaneya korona aktîvîteyî yenê qedexekerdene. Embazê nêweşî nênê weşkerdene.''

Dadîya Olgunî Kubare Olgun zî ard ziwan ke gardîyanan reyêke dabi lajê înan ro û çimê ci mor bibi. Kubare Olgun vat: ''Çi ameyo ma ser kurdayetîya ma ra semed ameyo. Erdoganî vato înan meseleya kurdan çareser kerda la o çax çira domanê ma wina ancenê? Ma heqê xo wazenê. Wa pêro tepişteyê sîyasîyî bêrê veradayene. Ganî her kes wayîrê tepişteyan vejîyo.''