Dima ke tepişteyanê Zîndanê Gebze vera tecrîdî dets pê grevê vêşanîye kerd teda zî zêdîyaye. Tepişteyan ra Hatîce Arat bi rayîrê telefonî keyeyê xo rê îfade kerd ke zîndan de binpaykerdişê heqanê merdiman zêdîyayî.

Waya Arate Tugba Beklîm pare kerd ke goreyê vatişê waka ci îdareyê zîndanê tedaya gardîyanan normalîze keno.

Beklîme ard ziwan ke ê têna eşkenê hewteyêk de rayêke pê telefonî waka xo de qisey bikerê û vat: ''Gardîyanan dest na hacetanê waka mi, awa înan zî kêm kerde. Qala tedbîranê vera Korona esta la zîndan de hacetê hîjyenî nêdîyenê tepişteyan. Destûr nêdîyeno ke tepişteyî testê vîrusî bikerê, derman nêdîyeno înan, heqê înan ê weşkerdişî asteng benê.''

Tugba Beklîm venga rayaumûmîye da ke seba tepişteyanê nêweşan tedbîrî bêrê girewtene û hîsger biba.