Zîndanê Wanî de tepişteı nêweş Aydin Çubun (62) rixmo ke se ra 82 astengdar o vera nêdîyeno. Çubukçuyo ke 30 serrî yo zîndan de yo zîndanî ra mektubêke şawite û qala meseleyanê xo yê weşîye kerde.

Çubukçuyî ard ziwan ke çend serrî yo o nêeşkeno keyeyê xo reyde pêvînayîşî bikero û tede xeylêk nêweşîyê kronîkî estê. Çubukçuyî vat: ''Cuye mi rê bîya îşkence. Mi de nêweşîyê Hepatît B, hîpertansiyon, kîstê mezgî, prostat, KOAH, ulser, vertîgo estê û çimê mi nêvînenê.''

Zîndanê Turkogluyî yê Gumgumî de tepişte Baran Gulî pê telefonî keyeyê xo de qisey kerd û qala binpaykerdişanê heqan kerde. Baran Gulî îfade kerd ke awa germe nêdîyena înan, êyê ke derzîne nêbîyî nêeşkenê şorê pêvînayîşî û pêvînayîşî têna 20 deqa yê. Baran Gulî vat: ''Ma rê pêvînayîş de vanê 'Verar meşorê yewbînan, destê yewbînan megêrê.' Tedayêka girane esta.''