Wekîlê HDPyî yê Kocaeli Omer Faruk Gergerlîogluyî hesabê xo yê Twîtterî ra da pêhesnayene ke tepişteyo edlî yo bi nameyê Ercan Ekeyî Zîndanê Şakranî de bi hewayêkê şikdarî dinyaya bedilnaye.

Gergerlîogluyî mesajê xo yê bi sernameyê 2Zîndan de reyna mergo şikdar'î de wina vat: ''Tepişteyo 32 serre yo ke Mûşî ra yo, sereyê ci de rêçê derbe estê. Badê otopsî do netîce bêro eşkerakerdene. Wezîrîya Edaletî ti reyna eşkerayîye nêdana? Qeydê kamera? Zîndanan de ho sebeno?

Birayê Ekeyî Îlhan Ekeyî ke Ajansê Mezopotamya rê qisey kerd vat: ''Raporê nêweşxaneyî de yeno vatene 'seba ke sereyê xo ra derb girewto merdo.' Badê otopsî sebebê mergî do bibo eşkera.'' Ekeyî ard ziwan ke birayê ci 13 serrî yo zîndan de yo  vat: ''Seba ke birayê mi kurd bi û tepişteyanê sîyasîyan rê mektûbî nuştêne tim raştê hêrişê faşîstan ameyêne û rîyê nê pêrodayîşan ra cezayê disîplînî girwtêne. Coka tehlîye nêbi. Ma sey keyeyê ci vanê beno ke koguşê ci de raştê hêrişî ameyo. Ma rê vanê ginayo erdî ro. La ma zanê no raşt nîyo.''