Tepişteyê ke Zîndanê Tîpê Lyî ra surgunê Zîndanê Tîpê Syî yê Antalya bîyî, semedo ke cigêrayîşê rûtî qebul nêkerd nînan rê îşkence ame kerdene. Tepişteyan ra Îslam Erdoganî pêvînayîşê keyeyê xo de qala îşkenceyî kerde.

Erdoganî îfade kerd ke ê û embazê ey maruzê kerdişan ê xiraban benê û vat: ''Ez venga rayaumûmîye dana ke wa hîsger biba. Îdareyê zîndanê bi eşkera vanê 'kurdkî qisey mekerê, tirkî qisey bikerê.' Ez kurd a û ez bi kurdkî qisey kena.ç Eke çîyêk bêro sereyê ma îdare mesuldar o. Ma rê îşkence ame kerdene la ma do sereyê xo nêarê war.

Tîya de bi eşkera porvakasyon kenê, hêrişê ma kenê. Îşkebce de embazê ma xo ra şîyî û gina war. 10 kesan hêrişê ma kerd û dest û lingê mi şikitî. Înan ma nêberdî doktor ke ma rapor bigêrê. Înan  ma eştî 3 hucreyan. Semedo ke ma cigêrayîşo rût qebul nêkerd înan hêrişê ma kerd. Ez vega pêro avûkatanê heqanê merdiman dana ke veng bidê vengê ma. Tîya de îşkence esto, ma cuya xo ra qerqilîyenê.''