Zîndanê Buca yê Îzmîrî ra tepişt Halîs Daghanî mektubêke şawite Wekîlê Partîya Çep a Keske yê Amedî Serhat Erenî û mektube de qala binpaykerdişanê heqan kerde.

Daghanî da zanayene ke zîndan de tecrîd, binpaykerdişê heqan û îşkenceyê psîkolojîkî yenê kerdene. Daghanî pê hesna ke tepişteyê sîyasîyî blokanê cîyayan de manenê. Daghanî vat ke tepişteyê bi nameyê Denîz Ataş pê destê dewlete raştê hêrişê tepişteyanê edlîyan ameyo.

Daghanî vat: ''Ma hucreyê yewkesî de tepişîyenê, bi kamerayan 24 saetan îdare ma seyr keno. Gardîyanî bi hawayêkê bêsebebî her roje erzenê hucreyan ser. Asayîşê ganê ma binê tehlukeyî de yo. Teyna di saetan ma eşkenê vejîyê warê hewagirewtişî. Îdare nêverdeno ma heqê xo yê aktîvîteyan bişuxilno û ma pîya bibê.''

Daghanî waşt ke vera binpaykerdişê heqanê înan wa heyetêk bêro zîndanî û tepişteyan de pêvînayîşî bikero.