Zîndanê Kalkandere yê Rîze de leşker û gardîyanan eşt hucreyê yewkesî yê Serhat Karsuyî ser. Karsuyî 2ê kanûne de pê telefonî keyeyê xo rê qala mesele kerde.

Karsuyî keyeyê xo rê wina vat: ''Bi hawayêkê keyfî înan eşt hucreyê mi ser, dest na kitab, kovar, defter, masa, televîzyon û radyoyê mi ser. Mi înan reyde nîqaş kerd la gardîyanan pê mi heqaret kerd. Gardîyanan binê solê mi vet û pê da mi ro. Seba ke dest nîya masaya mi ser ez nika erd de nan wena.''

Ma derheqê babete de zîndanî rê telefon kerd ka cewab nêdîyo ma.