Zîndanê Tîpê Fyî yê Kiriklarî yê Buca yê Îzmîrî  de vera caardişanê îşkenceyî 8 tepişteyî 26 rojî yo girevê vêşanîye de yê.  Tepişteyan ra Îbrahîm Tîkanî bi mektûbeke da pêhesanyene 28ê teşrîna peyêna ra nata hetê grûbêka tepişteyanê sîyasîyan ra grevê vêşanîye yê bêdem-bêdorî yeno domnayene.

Mektûba ke EGE TUHAYDERî rê ame şawitene de nê ameyî vatene: ''Zîndanê Buca de heme heqê  ma yenê binpaykerdene. Kenê ke heqê ma yê cuye binate ra wedarê. Vera neheqîyan û bêhuqûqîyanê ke tîya yenê kerdene ma muracatê heme dezgehanê eleqedaran ê dewlete kerd la cewabêk nêdîya ma. Mudiro ke newe ameyo tîya sey Esat Oktayî têgêreno. Vera tepişteyan ê kurtan dişmenîye yena kerdene. Tîya cuya ma binê tehluke de yo. Ma sey tepişteyanê sîyasîyan dest pê grevê vêşanîye yê bêdem-bêdorî kerd. Vera nê zextan zulmî bêvengmendiş mumkun nîyo. Heta ke nê neheqîye biqedîyê ma çalakîya xo bidomnê. Wa rayapêroyî vengê ma bido eşnawitene.''

Tepişteyê ke grevê vêşanîye de yê nameyê înan wina yê: Sinan Durmaz, Onur Yilmaz, Abdullah Gunay, Sabah Dayan, Ozan Alpkaya, Halis Daghan, Sertaç Kiliçarsalan û Kenan Yildzbakan.