Zîndanê Kurkçulerî ra tepişte Îbrahîm Karakaşo ke xebatkarê rojnameyê Yeni Yaşamî bi, pê rayîrê keyeyê xo qala binpaykerdişanê heqanê tepişteyan kerde.

Karakaşî vat: ''Roja çarşemeyî 27ê teşrîna verêne de ekîpêka taybeta ka erşawîyaya zîndanî koxûşan de cigêrayîşî kerdî, dest na kitab, nuşte, mektuban ser. Ma gerreyê nînan kerd. La dima derheqê tepişteyanê gerrekeran de tehqîqat ame akerdene.''

Karakaşî da zanayene wexto ke ey pakîye kerdêne gina erd û bedenê ci bîyo mor. Karakaşî var: ''Înan ez berda revîrî û ez sewqê nêweşxaneyî bîya. Kincê mi hît bîyî. Wextê sewqî de cendirmeyan mi rê cigêrayîşê zereyê fekî û kelemçeyî ferz kerdî. Semedo ke mi no ferzkerdiş qebul nêkerd ez nêerşawîya nêweşxaneyî. Nika bedenê mi dejeno, masayo. La reyna zî înan ez nêberda nêweşxaneyî.''