Tepişteyanê sîyasîyan ê Zîndanê Patnosî ra Huseyîn Aşkanî bi rayîrê telefonî keyeyê xo de qisey kerd û keyeyî rê qala binpaykerdişê heqanê tepişteyan kerde.

Aşkanî vist vîrî ke zîndan de 4 tepişteyanê nêweşan dinyaya xo bedilnaya û zîndan de tepişteyê nêweşî nênê dermankerdene. Aşkanî îfade kerd ke wextê sewqê nêweşxaneyî de tepişteyan rê kerdişê bêrûmetî yenê ferzkerdene.

Aşkanî keyeyê xo rê nê agahîyî dayî:

''Rojnametî nêdîyenê ma. Dest nîyeno hacetanê ma yê muzîkî, kincan û newresîmanê ma ser. Gardîyanî wextê peyênî de kenê ke provakasyonan bikerê. La derheqê nê gardîyanan de tehqîqat nêno kerdene. Pêro kitabê ma ameyî arêdayene, heqê ceyranî ma ra yeno girewtene, waştişnameyanê ma rê cewab nêdîyeno, aktîvîteyê sporî yenê astengkerdene û tepişteyî yenê tecrîdkerdene.''

Aşkanî venga rêxistinanê heqanê merdiman da ke wa vera nê kerdişan têbigêrê.