Zîndanê Sîlîvrî de 5 gardîyanan 8ê teşrîna verêne de eşt koxûşan ser. Gardîyanan tay tepişteyî şawitî hûmarêka bîne ya zîndanî, tay tepişteyî zî şawitî koxûşanê bînan. Tepişte Nur Muhammed Abay zî erşawîya koxûşêkê bînî.

Waya Abayî Kadere Abay qala binpaykerdişanê heqanê tepişteyan kerde. Kadere da zanayene ke birayê ci adara 2018î ra nata tepişte yo û verî ke tepişîyabi amebi remnayene, ci rê îşkence ame kerdene. Kadere da zanayene ke semedo ke birayê ci Nur Muhammet Abay ajanîye qebul nêkerda tepişîya.

Kadere Abay pare kerd ke birayê ci rê cezaya zîndanî ya 9 serran dîyaye û vat: ''Verî ke eşyayê ci bidîyê birayê mi sewqê koxûşê bînî ame kerdene. Ne nano weş dîyeno înan ne zî awa înan pakî ya. Semedo ke govende girewte cezaya dîsîplînî dîyaye birayê mi. Gardîyayan vato 'Şima nêeşkenê tîya de govende bigêrê. Koxûşê birayê mi de tepişteyê kokimî estê û derman nêdîyeno înan, nêerşawîyenê nêweşxaneyî.

Embaz Cuma Topalan wexto ke şîyo hetê avûkatî gardîyanan tira vato ke wa solê xo vejo. Ey qebul kerd, 10 kesan hêrişê ey kerdo. Birayê mi vat ke çîyê winasênî tim qewimîyenê.''