Zîndanê Tekîrdagî de 3 tepişteyê bînî zî kewtî grevê vêşanîye û hûmara tepişteyanê grevê vêşanîye bîye 13.

19ê kanûna 2021î de Zîndanê Tekîrdagî de tepişte Vedat Erkmen bi hawayêkê şikdarî dinyaya xo bedilnabi. Mergê Erkmenî ra dima gardîyanan hêrişê Yasîn Emeçî kerd û 5 tepişteyanê bînan 17ê çeleyî de dest pê grevê vêşanîye kerd. Mehmet Suleyman Ûcakan, Tûrhan Îlbaş, Huseyîn Karadaş, Habîb Guler û Ahmet Arîf  Yoylerî ra dima 1ê çeleyî de Şahbettîn Ogut, Îlyas Yorgun û Ahmet Altay zî tewrê grevê vêşanîye bîyî.

16ê sibate de Ahmet Osman, Kutbettîn Onur û Yunus Konak zî tewrê grevê vêşanîye bîyî.

13ê tepişteyî wazenê binpaykerdişê heqanê înan, caardişê keyfî û bêhuqûqî, sereştişê koxûşan û surgunkerdişî biqedê.