Hêrişê vera Merkezê Kulturê Kurdan ê Ahmet Kayayî 7 rojî xo pey de verdayî. Zîyaretê dezgeh û rêxistinanê welatanê cîyayan dewam kenê. Vizêr edîtor û nuştoxo elewî Selîm Açan û Oya Açab, îdarekarê DEV-YOLî, Hemserekê FEDA Demîr Çelîkî, Pîr Riza Yagmur, temsîlkaranê FEDA û aktîvîstanê Têgêrayîşê Cinîyan ê Elewîyan, keyeyê Guloyî yê rojawanijî merkez zîyaret kerd.

Hemserekê FEDA Demîr Çelîkî tîya de qisey kerd û serweşîye keyeyan ra waşte. Çelîkî vat: ''No qirkerdiş hetê dewleta tirke ya faşîste ra ame kerdene. 10 serrî berî Paris de reyna qirkerdişêk amebi kerdene. Fransa o çax zî o qirkerdiş roşnî nêkerd. Ma venga dewleta Fransa danê ke kurdî şer nêwazenê, wazenê şima kiştoxanê kurdan eşkera bikerê.

Pîr Riza Yagmurî zî vat ke dejê înan semedê 3 şehîdanê înan pîl o.

Vervatoxa Koordînasyonê Cinîyan ê Mîyanneteweyî yê Fransa Suzye Rojtman zî îfade kerd ke înan bi serran seba Sakîne Cansiz edalet waşt la ewro cinîyê kurdî yê serkêşî reyna ameyî qetilkerdene. 

Temamîya roje de zîyaretan dewam kerd. Zîyaretan de nameyê TJK-E ser o Zozane Serhat û nameyê Dezgehê Keyeyanê Şehîdan ser o Celîl Akdoganî derheqê qirkerdişî de agahîyî dayî şarî.