Zulmê AKPyî vera Dezgehê Wargehan ê Kred yê Berzî (KYK) dewam keno. Wendekarê ke vaybîyayîşê KYKyî protesto kenê, heqê perwerdeyî destê înan ra yeno girewtene, mîsalêkê ney zî Zanîngehê Dîcle de qewimîya.

Wendekaro wanij Botan Koçako ke Zanîngehê Dîcle de Beşê Psîkolojî de waneno, bi îdîaya ke vera vaybîyayîşê KYKyî bi sloganê 'Ma do bi xoverdayîşî ser bikewê' wargehê KYKyî ra ame îxrackerdene û bursê ci ame betalkerdene. Koçako ke pêro heqanê xo yê perwerdeyî ra bêpar mendo, neçar mend ke abigêro Wanî.

Koçak bi îdîaya 'xebatkar û wendekaran rê heqaret kerdo' wargehî ra ame eştene.

Koçakî ANFyî rê qala serebûtî kerde û ard ziwan ke wexto ke ey gerre ser o pawitişê xo kerdêne îdarekaranê wargehî ci rê heqaret kerd û gef wend. Koçakî vat: ''Înan bi çekuya 'gonîlêşin' mi rê heqaret kerd, dima ceza daye mi. Ez wargehî ra erzîya, bursê mi ame betalkerdene û heqê min ê wendişî destê mi ra ameyî girewtene. Mi bi hawayêkê demokratîkî KYK protesto kerd. Ez û zaf embazê mi ma bîyî mexdûr û nika ez nêeşkena biwana. Ez wazena her kes vera neheqîye hişyar bibo.''