Merkezê Îrtîbatî û Çapemenîye yê HPGyî nasnameyê 4 şehîdanê Herêmanê Pawitişî yê Medya eşkera kerdî. Eşkerayîye wina ya:

''6ê nîsana 2018î de embazê ma Azîme, Mordem, Hamza û Xeyrî Herêmanê Pawitişî yê Medya de şehîd bîyî. Ma nê embazanê xo bi rêz û minetî yad kenê û verê vîrameyîşanê înan ê ercîyayeyan de sereyê xo anê war.

Embazanê ma Azîme, Mordem, Hamza û Xeyrîyî seba pawitişê estbîyayîşê şarê ma û azadkerdişê şarê ma têkoşîn de cagirewt û bi fedakarî têkoşîn kerd. Ma sere de keyeyanê înan ê ercîyayeyan rê pêro Kurdîstanî yê welatperwerî rê serweşîye wazenê. 

Ma soz danê ke ma vîrameyîşanê nê embazanê xo yê şehîdan Kurdîstanê Azadî de Rayberîya Azade reyde bipawê.

Nasnameyê embazanê ma yê şehîdan wina yê:

Nameyê Qodî: Azîme Botan Name û Peyname: Nadîya Goksu Cayê Bîyayîşî: Erzirom Maye-Pî: Mercane – Abdulkerîm Tarîx û Cayê Şehadetî: 6ê Nîsana 2018î / Herêmê Pawitişî yê Medya

 

Nameyê Qodî: Mordem Şehîda Name û Peyname: Ferman Kiliç Cayê Bîyayîşî: Colemêrg Maye-Pî: Zahîde – Salîh Tarîx û Cayê Şehadetî: 6ê Nîsana 2018î / Herêmê Pawitişî yê Medya

 

Nameyê Qodî: Hamza Gabar Name û Peyname: Sînan Arslan Cayê Bîyayîşî: Wan Maye-Pî: Gultene – Omer Tarîx û Cayê Şehadetî: 6ê Nîsana 2018î / Herêmê Pawitişî yê Medya

 

Nameyê Qodî: Xeyrî Serhed Name û Peyname: Faruk Taşçi Cayê Bîyayîşî: Qers Maye-Pî: Rahîme – Fevzî Tarîx û Cayê Şehadetî: 6ê Nîsana 2018î / Herêmê Pawitişî yê Medya

Embaza ma Azîme Qereyazîya Erziromî de dadîya xo ra bena. A rixmo ke zewijnaye bîya, 2014 de tewra gerîlayan bena. A Herêmanê Pawitişî yê Medya de perwerde vînena.  A bi îrade û qerardarî dest pê têkoşînî kena. A wextêkê kilmî de bena milîtanêka serkêşe. A tim seba azadîya Rayber Apoyî xo ver dana. Ma soz danê ke xeyal û armancanê aye bîyarê ca.

Embazê ma Mordem Şemzînanê Colemêrgî de dadîya xo ra beno. O cigêrayîşan ra pey bi qerardarî 2013 de tewrê gerîlayan beno. O Herêmanê Pawitişî yê Medya de perwerde vîneno. O vera DAÎŞî şer keno û ancî verê xo dano koyan. Embazê ma pêro erk û mesuldarîyanê xo bêkêmasî ano ca. O vera hêrişanê îşxalî beno wayîrê ked û xîretêkê pîlêrî.

 

Embazê ma Hamza Qelqelîya Wanî de dadîya xo ra beno. Embazê ma Hamza 2014 de wexto ke eskerê artêşa tirke bîyo fîrar keno û warê Çemçê yê Qersî de tewrê gerîlayan beno. O wextêk tîya de maneno û dima derbazê Herêmanê Pawitişî yê Medya beno. Embazê ma beno gerîlayêko têkoşer o xurt. O tim seba azadîya Rayber Apoyî û şarê ma têkoşîn keno.

Embazê ma Xeyrî Qers de dadîya xo ra beno. O hêverî tewrê xebatanê ciwanan beno û dima 2014 de tewrê gerîlayan beno. O bi perwerdeyan xo aver beno û pratîkêkê xurtî zî mojneno ra. Embazê ma bi fedakarî û nefsqijîya xo û bi cesaretê xo beno mazharê hûrmet û heskerdişê embazanê xo. Ma soz danê ke têkoşînê ey bi serfîrazî tacîdar bikerê.''