Sîyasetmedara kurde Aysele Tugluka ke Zîndanê Kandira de tepişte ya rewşa weşîya ci hol nîya. 68 rêxistinanê cinîyan bi eşkerayîyêke hemparî bale ante rewşa Aysele Tugluk ser ke hetê weşîye ra hol nîya û pare kerd ke ganî Tugluke cade bêra veradayene.

Eşkerayîye de ame vatene ke bi serran warê sîyasetî de têkoşîn kerd û bi taybetî hêrişê nîjadperestî yê vera cenazaya dadîya ci zaf nêweş kewta. Eşkerayîye de ame vîrvistene ke rixmo ke rixmê raporê Fakulteyê Tipî yê Kocaelî Dezgehê Tipê Edlîyî pê raporê xo asteng kerd ke Tugluke vejîya teberî.

Cinîyan pare kerd ke ATK nêweşîya demansî ya Aysele Tugluke înkar keno û raporê ci de zaf nakokîyî estî.

Cinîyan vat: ''Ma wazenê Aysela ke bi serra vera şîdetê serê cinîyan, seba azadîya cinîyan têkoşîn dayo wa bêro veradayene. Her çiqas raporî vanê ke Aysele nêeşkena zîndan de bimana nêna veradayene. Sere de Wezîrîya Edaletî û dewlete eke çîyêk bêro sereyê Aysele ney ra mesuldar ê.

Ma reyna venga pêro selahîyetdaran danê ke goreyê prosesê huqûq, zanistî û wijdanî têbigêrê.''