Endama Koordînasyonê KJKyî Çîgdeme Dogu Medya Haber TV de Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' ercnaye.

Çîgdeme Dogu ard ziwan ke hemle resaya astêke, gamêka pîle eşta û vat: ''Na hemle prosesanê 15ê Sibate, 8ê Adare, Newroze û weçînayîşanê herêmîyan de gamê pîlî eştî, aver şîye. Nika nê prosesî de zî ganî na hemle bêra averberdene.

Têgêrayîşê Cinîyan ê Kurdan zî bi xurtî tewrê pêro prosesanê hemle bi. Ma do hîna bi qerardarî tewrê hemle bibê, çalakîyanê hîna xoseran bikerê. Têkoşînê ma de Rayberîye sey 'Tîje' yena pênasekerdene. Wextê Komployê Mîyanneteweyîyî de bi şîarê 'Şima nêeşkenê tîja ma tarî bikerê' çalakîyî ameybî kerdene. Rayber Apoyî sîstem, têkoşîn, fikr û hîsî sey sifreyêke pêşkêşê cinîyan û merdimatîye kerdî. Ma wazenê wextê verê ma de cinîyî çalakîyanê xo bi nameyê 'Sifreya Tîje' hîna xurt bikerê. Ganî cinîyî dormeyê na sifre de hîna zaf kom bibê û yew bibê. Dormeyê sifre de ma rêxistinîya xo, paştdayîşê xo pîlêr bikerê û hemle hîrayêr bikerê. 

Cinîyê ciwanî bi hîsgerî ganî dormeyê 'Sifreya Roje' de kom bibê. Sey Têgêrayîşê Cinîyan ma pê bawer ê ke na hemle bi nê hawayî bêra pîlêrkerdene.

Vera ma raştîyêka sîstemê îşkenceyî, îlegalî, kanwazî û îlegalî est a ke hetê dewleta tirke û hêzanê mîyanneteweyîyan ra yeno îdarekerdene. Cinîyî û şarî eşkenê nê sîstemî birijnê. Ma çend sifreya Tîje de ronişê hendê eşkenê nê sîstemî bişiknê, azadîya Rayber Apoyî û azadîya cinîyan û şaran bîyarê ca. Coka ganî ma giranîye bidê proses û rolanê xo ser.''