Endama Koordînasyonê KJKyî Çîgdeme Dogu Medya Haber TVyî de têkoşînê Şehîdanê Hezîrane û rojdem ercnayî.

Qiseykerdişê Çîgdeme Dogu ra  tay noqtayê girîngî wina yê:

''Menga Hezîrane menga şehîdanê fedayîyan a.  Bi taybetî dima ke hezîrana 96î de embaze Zîlane Dêrsim de çalakîya xo kerde mîyanê PKKyî de raştîya xeta fedayî ya şehîdan resaye leweyî. 

Embaze Sema Yuce Newroza 98î de zîndan de çalakîya fedayîye kerde û 17ê hezîrane de nêweşxane de şehîd bîye.

2002 de embaze Gulane Herêmanê Pawitişî yê Medya de şehîd bîye. Şehadetê nê embazan reyde têgêrayîşê cinîyan û têkoşînê ma bîyî wayîrê manayêka cîyaye.

Ma hezîrane sey Menga Şehîdan pênase kenê. Ganî cuya şehîdanê ma hîna hol bêra famkerdene û xeta înan a ke bîya xeta xopawitişî hol bipawîya. 

Embaze Zîlane mektuba xo de tewir û armancê xo eşkera kerdbî. 

Nameyên şehîd Zîlan hebûn ku hem ji Rêbertî re, ji jinan re, ji gelê Kurd re û ji jinên cîhanê, ji mirovahiyê re nivîsandibûn. 6ê gulana 1996î de Şam de vera Rayber Apoyî xîretê suîkastî qewimîyabi. Embaze Zîlane tehlukeyê Komployê vera Rayberîye fam kerd û vera ney têgêraye. Aye bi çalakîya xo cewab da komployî. Rayberîye mektuba Zîlane bi xorinî ercnaye. Ey vat 'Zîlane fermandara min a.' Sey têgêrayîşê cinîyan ma zî embaze Zîlane sey sembola xo vînenê. Embaze Sema zî sey şagîrta Zîlane çalakîya fedayîye kerde. Embaze Gulane prosesê 99î de vera Komployê Mîyanneteweyîyî çalakîya xo ya fedayîye kerde.

Ewro hem Vakurê Kurdîstanî de hem zî Herêmanê Pawitişî yê Medya de, bi taybetî Zap, Metîna û Avaşîn de dişmen bi çekanê kîmyewîyan û nukleran hêrişê gerîlayan keno. Embazê ma xeta Zîlane, Gulane û Sema de bi fedayîtî vera nê hêrişan xo ver danê. 

Embaza ma Zîlane Pepule 2006 de hetê rejîmê Îranî ra amebî qeyilkerdene. Embaze Leyla Agirî 2020 de amebî qetilkerdene. Ancî embazê ma Bêrîvan Zîlan, Raperîn Amed, Şaristan Asmîn, Elî Piling, Helmet, Doktor Huseyîn, Salih Avareş, Fîkrî Baygeldî, Xebate Zana, Rojhat û Erdal na menge de şehîd bîyî.

29ê hezîranêke de derheqê Rayberîya ma de bira dardekerdişî dîyabî ke ey 29ê hezîrana 1925î sey roja destpêkerdişê qirkerdişî pênase kerdbî. Ganî girîngîya famkerdişê sîstemê qirkerdişî bizanîya. Wexrê serewedaritişê Şêx Seîdî yê 1925î de Komara Tirkîya vera kurdan qirkerdişo verên dabi destpêkerdene. Ewro no tradîsyonê qirkerdişê kurdan bi îqtîdarê AKP-MHPyî dewam keno.

Rîyê faşîzmî yê AKP-MHPyî tewr zaf meseleya Îmraliyî de eşkera beno. Nê prosesî de ganî ma bi Zîlanwarî tewrê Hemleya 'Abdullah Ocalanî rê Azadîye, Meseleya Kurdan rê Çareserîye' bibê. Eke ma warê komelkîyî de bi Zîlanwarî têkoşîn bikerê Hemleya Azadîye do ser bikewa.''