Îzmîr de operasyonanê qirkerdişê sîyasîyî de 9 cinîyî ameyî destbendkerdene. Endama HDPî Fadîme Kocakaya, Îdarekara TUHAY-DERî Hedîye Tekîn, Zerga Ozturk, Zuhale Çelebî, Mutebere Akgul, Saîme Akin zî tede 9 cinîyî ameyî berdene bi Asayîşê TEMî yê Çankaya.

9 cinîyan rê qasê 24 saetan qedexeyê avûkatan dîya. Goreyê zanayîşanê ke avûkatan ra ameyî girewtene cinîyî seba ke serra 2014î de qezaya Erxenî ya Amedî de tewrê kombîyayîşêkî bîyî ameyî destbendkerdene.