Ronahî (Bedriye Taş) û Bêrîvane (Nîlgune Yildirim) 21ê adara 1994î de şaristanê Mannheimî yê Almanya de vera polîtîkayanê dewleta almanan ê serê kurdan bedenê xo dabi adirî ver. Wird şehîdê Newroze Mannheim de serkêşîya TJK-E, KOMAW û FEDA de ameyî yadkerdene.

Bernameyê yadkerdişî de rojnamegere Berfîne Hêzîl qalê girîngîya Newroze kerd. Dima nameyê KOMAWî ser o Cahîde Goyî pare kerd ke Bêrîvane û Ronahîye bi bedenê xo adirê Newroze gir kerdo.

Nameyê Die Linke ser o Isabele Fuhrmann pêro şehîdê Newroze yad kerdî.

Nameyê TJK-E Axîne Gulo îfade kerd ke cinîyê kurdî bi felsefeya 'Jin, Jiyan, Azadî' pêro cinîyan ê dinya rê benê nimûne.

Bername de derheqê şehîdan de sînevîzyonêk ame mojnayene û mektubê şehîdan ameyî wendene.

Bernameyê yadkerdişî bi slogananê sey “Şehîd namirin” û “Bijî Serok Apo” qedîyayî.