Hêrişê dewleta tirke û çeteyanê ci yê Artêşa Mîlî ya Sûrîye (SMO) vera Awbendê Tişrînî bi rojan o dewam kenê. Hetê bînî ra şervananê Meclîsê Leşkerî yê Minbicî operasyonê pakkerdişî da destpêkerdene.

Operasyon de o ke şervanan seatanê serê sibayî ra da destpêkerdene wexto derg pêkewtişê giranî qewimîyayî.Saete 13:28 de dewa Qişlê ya ke destê çeteyanê SMOyî de bî çeteyan ra ameye pakkerdene.

Şervananê Meclîsê Leşkerî yê Minbicî nê vatî: ''Nika embazî pêkewtişan de bi hewayêkê fedakarî xover danê. Embazan xeylê cayî girewtî. Wa çew mevejo ke bêhêz ê. Ma do çirey destûr medê çeteyî nê cayan îşxal bikerê.''

Hetê bînî ra Meclîsê Leşkerî yê Minbicî dîmenê çalakîyanê xo yê ke Awbendê Tişrînî û dewanê dormeyê ci de vera dewleta tirke û çeteyanê ci ameyî kerdene, pare kerdî.Dîmenan de yeno vînayene ke çeteyanê ke derbeyê girdî werdî remenê.