23yê kanûna 2022yî de paytextê Fransa Paris de Endama Konseya Rayberdişî ya KCKyî Evîne Goyî, hunermend Mîr Perwer û welatperwer Abdurrahman Kizil ameybî qetilkerdene. 9ê çeleyê 2013î de zî Paris de Sakîne Cansiz, Leyla Şaylemez û Fîdane Dogan ameybî qetilkerdene. Çalakîyê vera Qirkerdişanê Parisî mabênê 23yê kanûne û 9ê çeleyî de do bêrê kerdene. 

Emser serrgêra nê qirkerdişan de hêrişê îşxalî yê vera Rojawanî zî zêdîyayî. Coka cayê Qirkerdişê Parisî yê Diyînî de hem kiştoxan ra hesab do bêro perskerdene hem zî wayîrê Şorişê Rojawanî do bêro vejîyayene.

Birazîyê Evîne Goyî û rojnameger Geşbûn Karayî bale ante ser ke Evîne Goyî Rojawan de kedêka pîle daya û vat: ''Emser vera hêrişanê îşxalî yê serê Rojawanî çalakîyî bi xurtî do derbaz bibê. Evîne Rojawan de kedêka pîle daye. Seba ke Rojawan binê tehlukeyî de yo, çalakîyî zî wina bêrê kerdene. 

Şorişê Rojawanî şorişê cinîyan o. Evîne Paris de zî sey Rojawanî tesîrê merdiman kerd. A pêro meseleyanê ma de eleqedar bîyêne. Cinîyan zî soz da ke wayîrê têkoşînê Evîne vejîyê.''