Şerwananê YPJ û YPGyî şaristanê Hesekê de Newroze fîraz kerde. Şerwanan vat ke estbîyayîşê Rayberê Şarê Kurdî Abdullah Ocalanî estbîyayîşê înan o coka înan zî bi taybetî Newroza Rayberê Şarê Kurdî fîraz kerde.
Rojawan de şayîyê Newroze dewam kenê. Şerwananê YPG û YPJyî pê şayîyêke Newroze fîraz kerde. Şerwanan pê coşî govend girewt, pê deyîr, govend, tîyatro û tavistişê adirê Newroze şayîya xo viraşte.
Şerwananê YPJyî ra Ozgure Jiyan vat: ''Newroze vera zulmî serewedaritiş a. Coka 21ê adare ma rê rojêka girîng a. Ma ruhê Newroze berz kenê û resnenê dinya.''
Şerwana YPJyî Melsa Awaz vat: ''Kurdî vera sîstemê serewedaritiş de yê. Ma pê kelecanî Newroze fîraz kenê. Ma sey şerwananê YPJyî vanê ganî her kes seba azadîya Rayber Apoyî vengê xo berz bikero. Rojawan de keda Rayberîye zaf a. Coka ma bi taybetî Newroza ci fîraz kenê.''
