Kareografîyê ''tecawuzker ti yî'' yo ke hetê kolektîfanê femînîstan ê Şîlîyîjan LasTesîsî ra ame ronayene seba şîdetê vera cinîyan bi marşêk.

Cinîyê çalakîkerî bi rayîrê medyaya komelkî roja çarşemeyî saete 19:30î de ameyî pêser û înan zaf kareogarîfyê dansî kerdî. Cinîyan bi desmalan çimê xo û milê xo girewtî û bi slogananê ''Sucê mi ney ê to yo'', ''Êyê ke tecawuzkerî şima yê'' dewleta tedakere protesto kerde. Goreyê medyaya herêmîye çalakîye de  tewr tay 6 hezarî cinîyî ameyî pêser. Deyîre û kareografîyê dansî  tehqîqatêkê tecawuzî ra dima ameyî meydan û bi nawnayîşêko femînîst. Kareografî reya verêne 20ê teşrîna verêne de Valparaiso de ame pêşkêşkerdene û dima şaristananê sey Barcelona, Paris û Meksiko de ame pêşkêş kerdene. Goreyê Komîsyonê Ekonomîkî yê Karayîban û Amerîkaya Latîne (CEPALC) serra 2018î de şîdetê cînsîyî 25 welatan de 3 hezar 529 cinîyî kiştî. Hetê bînî ra Şîlî de wextêkê dergî ra nata krîzêko komelkî esto. Çalakîkerî hîna zêde têdûştîya komelkî wazenê. Çalakîyan de heta nika tewr tay 23 kesî merdî û nêzdîyê 5 hezar kesî birîndar bîyî. Hukmatî seba ke çalakîyan vindarno bire daye ke prîmê îstîsnayî bido qasê 1,3 mîlyon keyeyan.