Hacere Esa ke Beşê Îdareyê Umûmîye yê Zanîngehê Harranî ra mezun bîya herêma Rûbarokî ya qezaya Şemzînanî ya Colemêrgî de hingdarîye kena.

Hacer Esa ke 7 serrî yo nê karî kena zîret babîyê xo ra musaye û nika zî bi sereyê xo nê karî kena.

Hacere pê serfîrazîya karê xo mojnena ke cinîyî eşkenê her karî bikerê. Hacere vat: ''Ez 7 serrî yo hingdarîye kena. Wextêk ez Kerkûk de xebitîya dima agêraya û mi hingdarîye rê dewam kerd. Ez qehweyê kîzwanan, tehîn û sabûnê kîzwanan zî virazena. Ez wina debara xo kena.''

Hacere Es ard ziwan ke verî karê ci ser o nêrazîbîyayîşî estbîyî û vat: ''Ez nika karê xo hol zanena û pê zaf kêfê mi yeno. Key cinîyî biwazê eşkenê her karî bikerê. Rûbarok de tek cinîya ke hingdarîye kena ez a. Ez cayêkê zehmetî de nê karî kena la kêfê mi pa yeno. Seba ke ez karê xo de serkewte ya, xeylêk embazê mi zî nika wazenê hingdarîye bikerê. Mi mojna ke cinîyî eşkenê nê karî bikerê. Ganî cinîyan ê citkaran rê paştî bêra dayene. Ganî cinîyî zî seba nê karî bêrê teşwîqkerdene.''