Komîteya Amadekarî ya Festîvale kombîyayîşê xo yo peyên viraşt û amadekarîyê xo ercnayî.

Komîte zanayîşî dayî ANF’yî û ard ziwan, festîvale do bi şîyarê “Xoverdayîşê cinîyan azad keno’ bêra viraştene û şehîdanê xoverdayîşê grevê vêşanîye Ayten Behçete, Zehra Saglame, Medya Çinare û Yonca Akici rê bêra dîyarîkerdene.

Komîteya Amadekarîye ard ziwan, xeylî bajaran de do otobusî bêrê amadekerdene û yeno pawitene ke tewrbîyayîşê emserî zêdetir bo. Sere de Almanya, Hollanda û Belçîka ra cinîyî do tewrê festîvale bibê. Wareyê festîvale de xeylî standê rêxistinanê cinîyan do bêrê akerdene û werdê herêman bidîyê şinasnayene. Seba domanan zî amadekarîyêka taybete yena kerdene. Festîvale de seba domanan do park bêro amadekerdene û xeylî aktîvîteyî bêrê kerdene. Gruba govende ya domanan zî do hunerê xo pêşkêş bikera. Festîvala Cinîyan a Zîlane ya 15’ine de do hunermendî Eylem Aktaşe, Chopye, Denîz Demane, Serenat Ezgîcane, Kewê (tîyatro), grubê govende û gruba dansan a Şarê Fîlîpînî bivejîyê sehne.