Qezaya Kayapinarî ya Amedî de serê sibayî polîsan eşt Komeleya Cinîyan a Rosa tay adresan  ser. Polîsan komele de cigêrayîş kerd. Maya Haştîye Nezahate Teke zî tede xeylêk kesî ameyî destbendkerdene.

Heta nika nê kesî zî tede xeylêk kesî ameyî destbendkerdene: Zelale Bîlgîn, Hemşaredara Çinarî Necla Tamrîş, Endama Heyetê Rayberdişî yê DBPyî Zeynepe Uren, Hemsereka DBPyî ya Amedî Sevale Gulmez, Şêwirmenda Wekîlê HDPyî yê Amedî Remzîye Tosun Gurbete Ozel muxabîra Jinnewsî Bêrîtane Ozel, Maya Haştîye Nezahate Teke, Endama Akademîya Cinîyan a Amedî Fîgene Aras, Besîle Narîn, Endamê Şaredarîya Amedî Bahare Karakaş Ulug, Rukene Bekalp û Şehrîbane Zogurlî, aktîvîsta TJA Sevîme Bîçîci, Nurşene Akbal, Leyla Akgul, Satîye Ok. Nînan ra Satîye Ok cara hepsê keyeyî de bîye.

Dîya zanayene ke derheqê 33 cinîyan de hetê Serdozgerîya Komare ya Amedî ra bira tepiştişî dîyaye.

Komele hesabê xo yê twitterî ser o no mesaj pare kerd: ''Polîsan eşt komeleya ma ser, berî şikitî, alarm pakerd û bi hawayêkê îlegalî komeleya ma de cigêrayîşî kerdî. Ma nê tacîzê muhakeme qebul nêkenê ke bi hawayêkê sîstematîkî vera ma yeno kerdene. Ma do têkoşînê xo ra qetî fek vera nêdê. Ma tîya de yê û do tîya de bibê.''