Taxa Hantepe yê qezaya Yenîşehîrî ya Amedî di cinîyî ameyî qetilkerdene û di kesî zî birîndar bîyî.

Camêrdo bi nameyê Mehmet Buyukî cinîya xo Sureyya Buyuk û kênaya xo ke nameyê ci nêame musayene mirênayî. Buyukî lajê xo cinîwaya ey zî birîndar kerdî. Birîndarî ameyî berddene Nêweşxaneyê Cigêrayîş û Perwerdeyî yê Gazî Yaşargîlî. Cinîwaye ke rewşa ci giran a serwîsê ciewnîyayîşê giranî de gerîyaye binê tedawî.

Buyuko ke badê serebûtî rema derheqê ci de cigêrayîş dîya destpêkerdene. Ame vatene ke Sureyya Buyuk seba ke mêrdeyê xo ra şîdet dîyêne mengêke verê cu keyeyê xo ca verda şîye cayê mendişê cinîyan la pîlê keyeyî kewtê binate ê  ardê wêre û Sureyya peyser berdê keyeyê ci.