Bîsmîlê Amedî de hemwelatijo bi nameyê Recep Gunlerî hemsera xo ya 20 serrîye Aysûn Gunlere bi kardîye kişte.

Goreyê zanayîşanê ke ameyê girewtene, serê Hîrêrayîrî yê Bîsmîlî de wesayîtî de mabênê hemseranê Gunleran de pêrodayîş vejîya. Naye ser o Recep Gunlerî wesayît ant kiştê rayîrî û verê çimanê domananê xo de hemsera xo Aysûn Gunlere bi kardîkerdiş kişte. Gunlerî cenazeya hemsera xo eşte kiştê rayîrî û werte ra bi vîndî.

Bi xeberadayîşî cendirmeyê ke ameyê cayê serebutî cenazeya Gunlere dîye. Dimayê cigêrayîşan cenazeya Gunlere ame berdene bi Nêweşxaneyê Dewlete yê Çinarî. Bado cenaze Gunlere seba otopsî ame berdene bi Nêweşxaneyê Dewlete yê Selahaddîn Eyûbî. Dima otopsîyê cenaze, Gunlere Goristanê Yenîkoyî yê qezaya Rezanî ya Amedî de do bêra wedarnayene. Seba girewtişê kiştoxê Gunlere ciagêrayîş ame destpêkerdene.