Nawnayîşê 8ê Adare Roja Cinîyan ê Kedkaran a Dinya Meydanê Îstasyonî yê Amedî de rayberîya Platformê Cinîyan ê Dîcle-Amedî (DAKP) de pê sloganê 'Ma vera qirkerdişê cinîyan, cuye pawenê; vera tecrîdî azadîye pawenê' dest pêkerd.

Endamê DAKP, TJA û Meclîsê Cinîyan ê HDPyî, Komeleya Cinîyan a Rosa, Akdemîya Cinîyan û xeylêk rêxistinî tewrê nawnayîşî bîyî.

Wekîlê HDPyî Remziye Tosûn, Semra Guzel, Dersîme Dag û endamê Konfederasyonê Sendîkayanê Karkeran ê Şoreşgêran (DÎSK), Yewîya Odayanê  Mîmar û Muhendîsan a Tirkan (TMMOB), Komeleya Huqûqnasan a seba Azadîye (OHD) û Partiya Karkeran a Tirkîya tewrê çalakîye bîyî.

Meydanê Îstasyonî pê renganê kesk-sûr-zerdan û pankartan xemilîya.

Provakasyonê polîsan

Polîsanê tirkan kuçeyê Akkoyunlu û Îstasyonî pê bendan girewtî, polîsî pê wesayîtanê xo yê zirxînan ca bîyî. Cinîyî kontrolêkê xurtî ra dima derbazê meydanî bîyî.

Cinîyî pê kincanê xo yê herêmîyan, pê dowîzanê 'Ma do pê xoverdayîşî ser bikewê', 'Edaletê camêrdî rê nê', 'Cinîye, Cuye, Azadîye', 'Tepişteyê sîyasîyî rûmetê ma yê' qîrayî.

Cinîyî hema zî ver bi meydanî yenê.