'Aşma çeleyî de 31 cinîyî hetê camêrdan ra ameyê qetilkerdene'
Goreyê raporê çeleyî yê KCDPyî, Vakurê Kurdîstanî û Tirkîya de 31 cinîyî destê camêrdan ra ameyê qetilkerdene, 25 cinî zî bi guman merdî.
Platformê Ma do Verê Kişîyayîşê Cinîyan Bigêrê (KCDP) raporê xo yê aşma çeleyî eşkera kerd ke no rapor bi muracatê ke înan rê bîyê û xeberanê çapemenî ra hazir beno.
Goreyê nê raporî, %35ê cinîyan destê mêrdeyê xo ra ameyê qetilkerdene. 31ê nê cinîyan ra 12 cinîyan waştêne ke yewbînan ca verdê û ameyî qetilkerdene.
Nê cinîyan ra 20 hebî keyeyî de, 6 cinîyî kuçeyan de, cinîyêke hêgayî de, cinîyêke dibistana domamanê xo de û 2 cinîyî zî derûdorê keyeyê xo de ameyî qetilkerdene.
