Ronayoxanê Komeleya Cinîyan a Rosa ra  Ayla Akat Ataya ke operasyonanê qirkerdişê sîyasîyî yê 2ê teşrîna verên a 2020î de rehîne ameye girewtene Zîndanê Sîncanî ra mesajê 8ê Adare Roja Cinîyan a Dinya şawit.

Ataya ke bi rayîrê pêvînîyîşê telefonî yê bi merdimanê xo mesaj şawit nê vatî:  ''Ez do no 8ê Adare de cinîyê ke rixmê pandemî tewrê mîtîngan benê reyde gonvend bikerê. Ez do no 8ê Adare de veng û vateyê xo bikerê tewrê vengê  cinîyan ke salonan de semedê azadîye qîrenê. Ez do no 8ê Adare de tewrê rayraşîyayîşê şewe bibê û vera qirkerdişê cinîyan biqîrê û 'vajê ma do yewna gan kêm mebê'. Ez do no 8ê Adare de Sîncan de pîya bi heme cinîyan ê ke seba ke fikrê xo vatê û heqê xo yê rêxistinbîyayîşî şuxulnayî zîndanan de yê û heme cinîyî ke heqê xo yê sîyasetkerdişî şuxulnenê govend bigerî. Veng û vateyê ma do bibê  tewrê vengê heme cinîyan ke salonan û meydanan de yê. Ma estbî, ma estê, ma do bibê.''