Dîya zanayene ke Zîndanê Cinîyan ê Amedî de Vervatoxa verêne ya Têgêrayîşê Cinîyan ê Azadan (TJA) Ayşe Gokkan, aktîvîsta TJA Zelale Bîlgîn, Jîyane Arikboga û Feyza Aksoy (60) pê vîrusê Korona kewtî.

Ame parekerdene ke gardîyanan xebere nêdaye keyeyanê nê tepişteyan û kesêko/a ke şîyo/a zîyaretî rê vato: ''Ma xebere nêdanê keyeyan, şima bidê.'' 

Hetê bînî ra ame vatene ke gardîyanî nêzdîyê tepişteyan de bêmaske, bêlapikan têgêrenê û netîceya nê kerdişan de waqayê Korona zêdîyayî. Ame îfadekerdene ke gardîyanê ke pê vîrusê Korona kewtê wezîfeyê xo rê dewam kenê.