Vervatoxa Meclîsê Cinîyan ê HDPyî Ayşe Acar Başaran pîya bi wekîlan derheqê betalkerdişê Pêkerdişê Îstanbulî de Meclîs de eşkerayîye daye.

Qiseykerdişê Başarane ra tay cayî wina yê:  ''Îqtîdar vera cinîyan polîtîkaya dişmenîye rayra beno. Verî înan dişmenîya xo mîyan kerdêne la 2016î ra nata her roje bi hewayêkê sîstematîkî hêrişê destkewteyan, ameyox  û îradeyê cinîyan kenê. Îqtîdar wazeno ke pê dişmenîya vera cinîyan payra bimano. 

Tewr peynî de Pêkerdişê Îstabulî betal kerd la no nişka nêkerd. Her çî plankerde ame kerdene. Reyna Qanûnê Muftuyîye zî 2017 de Meclîsî ra ame revêrtene. Pê ewnîyayîşê cînsî unîversîteya cinîyan ameye akerdene. Hêrişê vera Komaleya Cinîyan a Roza û TJA dewam kenê. Goreyê humara fermîye 2020 de tewr tay 300 cinîyî hetê camêrdan ra ameyî qetilkerdene. 

Betalkerdişê Pêkerdişê Îstanbulî  paştdayîşê şîdetê verê domanan û zewajê domanan, tecawuzê vera cinîyan o, hêrişê vera LGBTİ+yan o. Îqtîdarê AKP û MHPyî xo Pêkerdişê Îstanbulî ra xo peyser ant  la cinîyî peyser nêancîyayî. Heta ke ma cinîyî Pêkerdişê Îstanbulî meqedînê yew camêrd nêeşekno nê pekerdişî werte ra wedar o.

Ma venga heme cinîyan ê muxalefet û îqtîdarî danê. No pêkerdişê bi mucadeleyê ma yê hemparî ame destfînayene ke temînatê ma hemeyan o. Bêrê ma pêro pîya wayîrê ci vejîyê, ma vera îtîfaqê camêrdan paştdayîşê cinîyan bimanê. Ma veng danê îqtîdarî zî. Karê şima cinîyan şîdetê camêrdan ra pawitiş o. Hêrişê vera destkewteyanê cinîyan caverdê.''